№14358 Бесатар – Асқар Сүлейменов «Бесатар» повесі алғаш жарық көргенде әйгілі Ғабит Мүсірепов: «Ойға мырза, образға бай, бос сөзге сараң кітап жазу арман. Сондай мақсатты бетке алған Сүлейменұлы Асқардың «Бесатар» атты повесі мені көптен қызықтырып жүр» деп, кітапқа алғы сөз жазып, жас жазушыға жоғары баға берген екен. Иә, расында туындының тілдік жағы былай тұрсын, қазақтың азаттық күресін көтерген тақырыбының өзі сол советтік кезең үшін үлкен құбылысқа парапар еді.
Азаттық алдық десек те, ұлттық болмыстан, қазақы дүниетанымнан алшақтатар факторлар шаш етектен бүгінгі техногендік дәуірде де «Бесатар» сынды төл мәдениеттің көзіндей қастерлі туынды – оқырман қауымға баға жетпес тарту болмақ.
