№24441 Сүйекші – Дулат Исабеков Дулат Исабековтің «Сүйекші» повесі оқырманды ойлануға үндейді. Әдебиетті зерттейтін ғалымдар мен сыншылардың осы шығарма төңірегінде көп толғанатыны да сондықтан. Өмір шындығын шебер сомдалған бір кейіпкер арқылы бергені жазушының кемеліне келіп тұрған шағындағы үлкен олжасындай.
Қарапайым ғана жанның көкірегіндегі құпияға үңілуге тырысатын жазушының Тұңғыш арқылы көсетпек болғаны – адамның мына өмірдегі кері кету процесі. Бұл жерде Тұңғыштың Үндемеске айналу процесі. Тұңғыштың осы сипатында руханилықтан жұрнақ қалмаған, сезімдік қасиеттері өліп кеткен Үндемеске айналған шағына дейінгі аралықта, жеке адамның үлкен тағдыры жатыр.
