№26754 Дворян ұясы Достаевский бұл шығарманы оқыған соң, Пушкиннің Татьянасынан кейін орыс әдебиетінен көрінбей кеткен әйел образын осы романнан көрдім деп баға берген екен. Бірақ оқыған адам тек Лизаның образына ғана емес, жазушы әбден зерттеп, танып барып жазған әр кейіпкерге таңғалады. «Дворян ұясы» – ешкімге еліктемей, таза орысша жазады деп бағаланатын Тургеневтің негізгі шығармаларының бірі. Оның үстіне, орыс жазушыларының ішінде Тургеневті өзіне ерекше жақын тұтқан Мұхтар Әуезов аударғанын қоссаңыз, қолыңыздағы кітаптың қадірі одан сайын арта түседі.
