№55498 Әке. Жұлдыз Қайратқызы Бұл хикаят шынайы өмірдің желісімен басталып, ары қарай өз қиялыммен өрбіді. Басты кейіпкердің басынан өткен оқиғалардың басым көпшілігі өмірде болған. Сол себепті шығарманы жазу барысында өзім де түрлі сезімдерді бастан кешірдім. Жанарымнан тамшылар төгіліп отырып жазған жолдар болды. Айзияның жеңісіне, бақытты сәттеріне шаттанып шабыттана жазған шақтарым да болды. Алғашқы көлемді шығармамда мейірімділік, ізгілік, аманатқа беріктік, арманға адалдықты бейнелегім келді. Сонымен қатар әкенің асқақтығын көрсетуді көздедім. Жүректен шыққан жазбалар жүрекке жетті дегенүміттемін.
