№33739 Әлем таныған мұсылмандар Кітаптың алғашқы бөлімін «Әлемді өзгерткен мұсылмандар» деп алып, онда Пайғамбарымыз Мұхаммедтен (с.а.у.) бастап, сахаба Әбу Аюб әл-Ансари Ислам әлемінің Құраннан кейінгі екінші кітабын құрастырған Имам әл-Бұхари, Әмір Темір, дүниеге ғылымды жайған Ұлықбектер туралы да жаздым.
⠀
«Исламды ту еткен мұсылмандар» атты бөлімде дініміз жолында әскери соғыс жүргізген Имам Шәміл, тілмен тартыс өткізген Ахмет Дидат, Малкольм Икс, ақылы мен қайратының арқасында Исламға кіріп, кейін дінімізге өлшеусіз қызмет еткен еврей Мұхаммед Асад, француз ғалымы Морис Бюкай, ағылшын саяхатшысы Эвелин Кобболдтардың да бастан кешкен қызықтары баяндалады.
⠀
«Жүрегі Хақты таныған спортшылар» бөлімі әлемге әйгілі боксшы Мұхаммед Әли, Майк Тайсон, баскетболшы Кәрім Әбду-Жаппарлардан басталып, Зинедин Зидан, Франк Рибери, Месут Өзіл, Мұхамед Салах секілді футболшылармен жалғасты.
⠀
Соңғы бөлім «Ақиқаттан алыс тұлғалар» деп аталып, онда Уинстон Черчилль мен Махатма Ганди секілді әлемдік қоғам қайраткерлерінің Исламға қалай жақын келгені турасындағы деректермен бөлістім. Ленин мен Дарвиннің Құдайды жоққа шығарып, қалай адасқандары жөніндегі ақпарат та осында баяндалады.
